Jer 42 | Ndebele | STEP | Zasezisondela zonke induna zamabutho, loJohanani indodana kaKareya, loJezaniya indodana kaHoshaya, labo bonke abantu, kusukela komncinyane kuze kube komkhulu,

1 Zasezisondela zonke induna zamabutho, ^a loJohanani indodana kaKareya, ^b loJezaniya ^c indodana kaHoshaya, ^d labo bonke abantu, kusukela komncinyane kuze kube komkhulu, ^e 2 bathi kuJeremiya umprofethi: Ake kuthi ukuncenga kwethu kuwe phambi kwakho, usikhulekele eNkosini uNkulunkulu wakho, ^f umele le insali yonke, ^g ngoba sisele sibalutshwana kwabanengi, ^h njengalokho amehlo akho esibona; 3 ukuze iNkosi, uNkulunkulu wakho, isazise indlela esizahamba ngayo, ⁱ lento esizayenza. 4 UJeremiya umprofethi wasesithi kibo: Sengizwile; khangelani, ngizakhuleka eNkosini uNkulunkulu wenu njengokwamazwi enu; kuzakuthi-ke, lonke ilizwi iNkosi ezaliphendula ngizalitshela lona, ^j kangiyikuligodlela lizwi. ^k 5 Bona basebesithi kuJeremiya: INkosi kayibe ngumfakazi oqinisileyo ^l lothembekileyo ^m phakathi kwethu, uba singenzi ngokunjalo ⁿ njengalo lonke ilizwi iNkosi uNkulunkulu wakho ekuthuma kithi ngalo. ^o 6 Loba kukuhle loba kukubi, sizalalela ilizwi leNkosi uNkulunkulu wethu, esikuthuma kuyo, ukuze kusilungele ^p lapho sililalela ilizwi leNkosi uNkulunkulu wethu.

7 Kwasekusithi ekupheleni kwensuku ezilitshumi, ^q ilizwi leNkosi lafika kuJeremiya. 8 Wasebiza uJohanani indodana kaKareya, ^r lazo zonke induna zamabutho ^s ezazilaye, labantu bonke kusukela komncinyane kusiya komkhulu; ^t 9 wathi kibo: Itsho njalo iNkosi, uNkulunkulu kaIsrayeli, elingithume kiyo ukuthi ngenze ukuncenga kwenu kuwe phambi kwayo: ^u 10 Uba lihlala lokuhlala kulelilizwe, ngizalakha ^v ngingalidilizi, ngilihlanyele, ^w ngingalisiphuni; ngoba ngiyazisola ngokubi engikwenzileyo kini. ^x 11 Lingayesabi inkosi yeBhabhiloni eliyesabayo, lingayesabi, ^y itsho iNkosi; ngoba mina ngilani ukuze ngilisindise ^z ngilophule esandleni sayo. 12 Ngilinike izihawu, ukuze ibe lomusa kini, ^aa ilibuyisele elizweni lakini.

13 Kodwa uba lisithi: Kasiyikuhlala kulelilizwe; ukuthi lingalaleli ilizwi leNkosi uNkulunkulu wenu; ^ab 14 lisithi: Hatshi; kodwa sizangena elizweni leGibhithe, ^ac lapho esingayikubona impi khona, singayikuzwa ukukhala kophondo, ^ad singalambelanga isinkwa, sihlale khona; 15 khathesi-ke, ngakho zwanini ilizwi leNkosi, nsali yakoJuda: Itsho njalo iNkosi yamabandla, uNkulunkulu kaIsrayeli: Uba lina libeka ubuso benu ^ae ngokupheleleyo ^af ukuya eGibhithe, lingene ukuyahlala njengabezizwe khona, ^ag 16 kuzakuthi-ke inkemba ^ah eliyesabayo ^ai izalifica khona elizweni leGibhithe, lendlala ^aj elinqineka ngayo izanamathela emva kwenu khona eGibhithe, lifele khona. 17 Bazakuba njalo bonke abantu ababeka ubuso babo ukuya eGibhithe, ukuze bahlale njengabezizwe khona; ^ak bazakufa ^al ngenkemba, ^am ngendlala, ^an langomatshayabhuqe wesifo; njalo kabayikuba lensali kumbe ophunyuke phambi kokubi engizabehlisela khona. ^ao 18 Ngoba itsho njalo iNkosi yamabandla, uNkulunkulu kaIsrayeli: Njengokuthululwa kolaka lwami lentukuthelo yami phezu kwabahlali beJerusalema, ^ap ngokunjalo intukuthelo yami izathululelwa phezu kwenu, nxa lingena eGibhithe. Njalo lizakuba ^aq yisithuko ^{ar
,} ^as lokwesabekayo ^{at
,} ^{au
,} ^av lesiqalekiso ^{aw
,} ^{ax
,} ^{ay
,} ^az lehlazo, ^{ba
,} ^{bb
,} ^{bc
,} ^bd lingaphindi liyibone lindawo.

19 INkosi ithe ngani, nsali yakoJuda: Lingangeni eGibhithe. ^be Yazini isibili ukuthi lamuhla ngifakazile ngimelene lani. 20 Ngoba liyikhohlisile imiphefumulo yenu; ngoba lina lingithume eNkosini, uNkulunkulu wenu, lisithi: ^bf Sikhulekele eNkosini uNkulunkulu wethu; ^bg lanjengakho konke iNkosi uNkulunkulu wethu ekutshoyo, ^bh ngokunjalo sitshele, sikwenze. 21 Sengilitshelile lamuhla, kodwa kalililalelanga ilizwi leNkosi uNkulunkulu wenu, laloba yiyiphi into engithume yona kini. ^bi 22 Khathesi-ke yazini isibili ukuthi lizakufa ngenkemba, ^bj ngendlala, langomatshayabhuqe wesifo, endaweni eliloyisa ukuyahlala khona njengabezizwe.